Nheenga raiti

Antônio Neto rupi

Yaseruka nheenga raiti nhaa purakisawa nhaa mirasá serawa Maori tá uyupiru kwera, 1980 ramentu. Kwa “nheenga raiti” úrite maori nheenga, useruka “kōhanga reo” kwa nheenga rupi. Maoiri yepé mirasá tá uviveriwa paranãwasu serawa Pacífico upé. Aite kwa yepe proposta mamé umbuesaraita ta uyumbue maori nheenga tainaita supe arama.

Ape, kwaita taina uyupiru usendu maori nheenga bebe sui, té mairame ta upitá kurumi u kunhatai, mairamé ta uriku kwera 6 u 7 akayú.  Kwaita umbuesawa rupi, umbuesaraita upurungita panhe maori nheenga rupi, muiri ara. Yawe yaseruka yuíri imersao, kariwa nheengaita rupi. Ape, ti aikwe tradusao!

Maranta puranga píri yamunha arama nheenga raiti yawe?

Yawe puranga nhanse tainaita, mairame taunaseri, ta ti tauparawaka ta nheenga. Ta tiuriku yuíri prekonceitu nheengaita resewa. Yawewa rupi, aite kwa hora yapuderi yapurungita yane nheenga yaparawakawa yane tainaita supe arama. Asuí, tainaita tauyumbue kutara piri panhe nheenga kwa akayuita rupi.

Mayetaa yapuderi yamunha yawe?

Ne tendawa tenki uparawaka maata nheenga tainaita upurungita kuri. Ariré, yaparawaka muiri hora tainaita usendu kuri kwa nheenga tendawa uparawakawa. Puranga píri taina usendu rame kwa nheenga nhuntu, ma, mairame ne tendawa upurungitá píri yepé kariwa nheenga ne nheenga suí, ape, tainaita tenki uriku musapiri hora u siia amuita, muiri ara. Kwaita musapiri hora rupi, tausendu ne nheenga nhuntu. Pukusá táusendu, tá uyupiru taupurungitá ne nheenga kwaíra. Mairamé táupurungitá, umbuesaraita tenki urasu runde kiti: umbuesaraita tenki usuaxara ne nheenga nhuntu. Ape, tainaita upuderiã ukuntari ne nheenga rupi. Mairamé tainaita taupurungitá uiku, puranga píri si tá manha, asuí tá paya upurungitá tá irumu kwa nheenga rupi. Amuramé, tápaya, támanha yuíri tiwa taupurungitá. Ape, tainaita upuderi usika suka upe, ape aite uyumbuewa kwa nheenga táanamaita supe arama! Yakwa rame yané nheenga kwaíra, yapuderiã yayumbue kwaíra…

Mamé taá yamunhã yané nheenga raiti?

Remunhã yepé tetama ne tendáwa umaã puranga píri wa. Ti urikute escola (umbuesawa ruka) upé. Repuderi remunhã igarapé upé, yepé paranã rimbiwa upé, yepé maloka… mamé tuyuita uparawaka… Upitá puranga remunhã ramé yepé tetama upewa mairamé aikwe siia kwasá ne kitiwara suiwara (mayé maã: kupixáwa, uka, tupáuku, siia amuita).

Maméta ne tuyuita umbeu uikú umbeumbeusawaita? Repuderi remunhã mimi!

Reputari ramé rekwá píri nheenga raiti resewa, remaã kwaita video:

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión /  Cambiar )

Google+ photo

Estás comentando usando tu cuenta de Google+. Cerrar sesión /  Cambiar )

Imagen de Twitter

Estás comentando usando tu cuenta de Twitter. Cerrar sesión /  Cambiar )

Foto de Facebook

Estás comentando usando tu cuenta de Facebook. Cerrar sesión /  Cambiar )

Conectando a %s