Maye taá yapuderi yapurungitá nheengatu?

Maye taá yapuderi yapurungitá nheengatu?

YEPÉ Mbuesawa ruka: iwasusaita
Mbuesawa rukaita, maãta amuita tauseruka “escola”, uyuíri uyumbue maku nhaeengaita, ariré makuita mirasaita taumaramunha yane rendawaita. Escolaita upe puranga yakuntari yane nheenga, mã mimi siia iwasusá uyukiriari: maãta yamupinima yane nheenga? Maãta paperaita yasu yausári? Mayeta yasu yayumbue panhe disciplina (maye maã: matemática, química, biología, etc) yane nheenga ipupe arama? Yawerame umbuesaraita taupuraki siia viaji mupinimasá irumu, iwasu píri yayumbue arã nheengatu yepé escola pupe. Kua escola nungara irumu yariku waa uyí, iwasu yakuntari arã nheengatu, nhansé kuaita escola tauikú kariwa akanga irumu. Yepe yepe escola umunhã amurupi, mã siia taupurakire kariwa akanga irumu. Kariwa akangaita uyusikindá mukui manungara: mupinimasá, asuí avaliaçãoita. Mã, mairamé yayumbue yepe nheenga, kuntarisá puranga píri mupinimasá suí. Mairamé yanaséri, yakuntari yane nheenga yepesá. Ariré, yapuderi yayumbue yamupinima tá rupi. Ape, yande tenki yapurungitá nheengatu. Yawe yasu yakunheseri puranga nheengatu. Yawe, nheengatu uikú kuri yane akanga resé! Yaseruka fluência kariwa ta nheenga rupi, mairamé yepé nheenga uikú yané akanga resé. Aite kua yasu yasika: fluência.
MUKUI Resú awá upurungitá nheengatu píri
Resika ramé fluência nheengatu rupi, resú makuita píri. Resú makuita piterupi.Mã, remaã katu ne suí: inde tenki resú makiti miraita taupurungita nheengatu, asuí inde tenki rekuntari nheengatu ta irumu. Marantaa? Nhanse panhe mira upurungita wa nheengatu, upurungita português yuíri. Yawewa rupi, siia viaji, miraita upurungitá português nhuntu, ma taukuntai nheengatu rupi. Mairamé yasu kuera Rio negro upe, apurungitá nheengatu miraita tá supe arama, ma siia tausuaxara português rupi ixe arã. Mã, arasú apurungitá-purungitá nheengatu nhuntu. Tiramé, yapurungitá kuera português nhuntu tá irumu. Aite kua usasá mairamé yepé mirasá uikú tisáwa upurungitá arã yepé nheenga. Aikue mukui tisáwa nungara: a) nhaa mairamé yepé mirasá uikú tisáwa inheenga resé; b) nhaa mairamé yepé mira uyumbue uikú yepé nheenga. Ape, inde reputari ramé repurungitá nheengatu, tererikú tisáwa repurungitá arã. Asuí, rerasú repurungitá nheengatu rupi nhaa miraita tausuaxara português rupi!
 MUSAPÍRI Resendu maye mirasaita taupurungita
Inde reputari rame repurungita nheengatu, inde tenki remusarai kua nheenga irumu. Teremaãkatu maye ta repurungitá nheengatu. Remaã katu mayeta makuita taupurungita. Yawe, inde tererikú tisáwa. Asuí, resú reyumbue siia nheengaita pisasuwa, kariwa tauseruka wa vocabulário. Sepisasu retana ramé resú te Amazunia kiti, remaã videoita tauikú wa internet upe. Youtube upe, aikue videoita nheengatu rupi. Mairamé yasendu mayeta mirasaita taupurungita  retana yayumbue kuaye! Kuaita nheenga usú ne akanga resé! Mã, remaã katu ne suí: teremunhã traduçao, ne mairamé! Resendu, asuí rekuntari nhuntu!
IRUNDÍ Reyumbue nheengatu muíri ara
Inde reputari ramé repurungita nheengatu, repurungitá xinga muíria ara. Remaã videoita muíri ara. Reikú ramé yepé tendawa upurungitá nheengatu upewa, rekuntari muíri ara nheengatu rupi. Mairamé yaxári yakuntari, yané resarai nheengaita. Ape, rerasú runde kiti! Terepáwa reuyumbue! Rembúri yepé tempu xinga ne agenda resé, repurungitá arã nheengatu muíri ara.
Iké aikue linkita mame yapuderiã yasendu, asuí yamaã maye ta mirasaita taupurungitá nheengatu:

 Ike aikue linkita mame yapuderiã yakunheseri miraita upurungita wa nheengatu, facebook rupi:



Té kuri mirim

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión /  Cambiar )

Google+ photo

Estás comentando usando tu cuenta de Google+. Cerrar sesión /  Cambiar )

Imagen de Twitter

Estás comentando usando tu cuenta de Twitter. Cerrar sesión /  Cambiar )

Foto de Facebook

Estás comentando usando tu cuenta de Facebook. Cerrar sesión /  Cambiar )

Conectando a %s